Svona virkar það – frá hugmynd að uppsettri filmu.
Frá mælingu að tilbúinni filmu – þú getur látið okkur sjá um ferlið eða hannað filmuna sjálfur í Filmuhönnuðinum okkar.
Þú getur mælt gluggana sjálfur með því að mæla sjálfan glerflötinn frá brún að brún, bæði breidd og hæð.
Mældu hvern glugga fyrir sig, jafnvel þótt gluggarnir virðist vera jafn stórir. Smávægilegur munur getur verið á stærð glersins.
Til að tryggja að filman passi sem best er mikilvægt að mæla sjálfan glerflötinn, frá brún að brún. Mældu bæði breidd og hæð í sentímetrum.
Þótt gluggar líti út fyrir að vera nákvæmlega eins getur verið smávægilegur munur á stærð þeirra. Þess vegna mælum við með að mæla hvern glerflöt fyrir sig.
Ef nokkrir gluggar eiga að fá filmu í sömu stærð er hægt að nota meðaltal mælinganna, svo lengi sem munurinn á gluggunum er lítill.
Dæmi – þrír gluggar:
Gluggi 1: 68,5 × 54,9 cm
Gluggi 2: 68,2 × 54,4 cm
Gluggi 3: 68,4 × 54,5 cm
Meðaltal mælinganna er þá um 68,4 × 54,6 cm.
Spássía er sú glerbrún sem verður sýnileg í kringum filmuna.
Ef óskað er eftir 0,5 cm spássíu allan hringinn þarf að draga samtals 1 cm frá breidd og 1 cm frá hæð.
Dæmi:
Gler: 68,4 × 54,6 cm
Filma með 0,5 cm spássíu: 67,4 × 53,6 cm
Þannig verður um 0,5 cm jöfn glerbrún sýnileg í kringum filmuna.
Athugið: Ef töluverður stærðarmunur er á gluggunum er betra að skrá mál hvers glugga sérstaklega í stað þess að nota meðaltal.
Segðu okkur hvernig þú vilt hafa filmuna og við sjáum um hönnunina fyrir þig.
Þú getur til dæmis óskað eftir fuglum, greinum, mynstri, nafni eða húsnúmeri, eða sent okkur þína eigin hugmynd eða fyrirmynd.
Viltu frekar hanna filmuna sjálfur? Prófaðu Filmuhönnuðinn okkar, þar sem þú getur sett upp filmuna eftir þínum málum og prófað mismunandi útfærslur.
Sendu okkur stærðir, fjölda glugga og upplýsingar um hönnunina.
Ef fleiri gluggar eru saman eða mynstur á að halda áfram á milli glugga er gott að senda mynd af öllu gluggasvæðinu. Það hjálpar okkur að láta hönnunina flæða rétt á milli glugganna.
Ef þú hefur hannað filmuna í Filmuhönnuðinum okkar fylgja upplýsingarnar um hönnunina með þaðan.
Við förum yfir mál, spássíur og hönnun áður en filman fer í framleiðslu.
Ef við sjáum eitthvað sem þarf að laga eða staðfesta höfum við samband áður en haldið er áfram.
Þegar um sérsniðna hönnun er að ræða færðu uppsetningu til yfirferðar og samþykkir hana áður en hún fer í framleiðslu.
Þegar allt hefur verið samþykkt fer filman í framleiðslu.
Filman er skorin eftir réttum málum og sérsniðin mynstur eru plokkuð og undirbúin eftir þörfum.
Ef pöntunin inniheldur margar filmur eru þær merktar eftir gluggum þegar þess er þörf svo auðvelt sé að sjá hvaða filma fer á hvaða gler.
Þú velur hvort við setjum filmurnar upp fyrir þig eða hvort þær séu afhentar/sendar tilbúnar til uppsetningar.
Filmurnar eru skornar og undirbúnar samkvæmt samþykktum málum og hönnun.
Frá hugmynd að merktum bíl – við förum yfir verkefnið með þér, útfærum hönnunina og sjáum um uppsetningu. Við getum einnig séð um þrif á bílnum áður en merking hefst, ef þess er óskað.
Sendu okkur bíltegund, árgerð og myndir af bílnum frá hlið, að framan og að aftan. Segðu okkur hvaða svæði þú vilt merkja og láttu fylgja áætluð mál flatarins, bæði breidd og hæð, ef þú getur.
Við getum líka komið og tekið myndir af bílnum fyrir þig og farið yfir svæðin sem á að merkja.
Sendu okkur lógó, texta og aðrar upplýsingar sem eiga að koma fram. Láttu fylgja hugmyndir eða fyrirmyndir ef þú ert með ákveðna útfærslu í huga.
Við setjum saman tillögu að merkingum út frá bílnum og óskum þínum. Farið er yfir staðsetningu, stærðir og hvernig texti og myndir nýtast á bílnum.
Þú ferð yfir tillöguna og við ræðum breytingar ef þörf er á. Hönnun, útfærsla og verð eru staðfest áður en farið er í framleiðslu.
Merkingarnar eru framleiddar og undirbúnar samkvæmt samþykktri hönnun. Við ákveðum tíma fyrir uppsetningu og förum yfir hvernig bíllinn þarf að vera undirbúinn.
Við setjum merkingarnar á bílinn og förum yfir fráganginn. Við afhendingu færðu leiðbeiningar um umhirðu merkinganna.
